順流逆流
Thursday, 18 February 2010
布宜諾斯艾利斯時間二月十六日晚上九時去Salon Canning上Julio’s group class。
有幾多人呢，起碼超過五十對男女，你見唔到Julio咁滯。
大家小旋風式勁轉，要爭位，要爭見到老師一面。
你起香港有冇見過Ｄ人學一樣野去爭呢。爭去學野喎，唔係爭個位爭個名份爭個人地話你得唔得既一句認同喎。
咁你明我點解couple class都一條友戇居居中去啦。人地，度火呀。
咁我去阿根廷如果淨係食下野行下，我就唔去喇，咁辛苦，去曼谷嘆下好過啦。
去，當我一個人，冇partner，望住人地跳既時候，（鼓吹小班教學的香港小朋友，就算你跳Julio都唔會可能走埋來逐個指點你呀陰功）就諗，係囉，呢個BsAs的魔力，大家有今生舞來世咁跳舞。有一種大家玩得投入一起在沉悶的人生找樂子的熱情。
而我要學的怎樣在人家一雙雙一對對時，恰當地爭取自己的機會，盡量拿走堂上可以拿走的東西，如老師的身體動作，其他同學的好處壞處，各人的表情，場中運作的安排。
又好像人生一樣，總有因為怕落單，而找一個人跳埋一堆的人們（即使在BsAs，人很多時候也有一樣呀）。但其實你是怕寂寞還是要尋找快樂呢？
我的答案是，在舞池內外，順流逆流，找回自己的位置。
25Peso（港幣五十），在jetlag和我一定要拿走可以拿走任何的心態的底下，仍然超值。
Sandy on 
ML on 
肥你 on 
shiuto on 