Days of being wild
Thursday, 1 April 2010
咩叫做娘呢。後來密友間又說camp。某人近來把Susan Sontag都要丟。我讀錢穆，她說都要丟。想起焚書坑儒。咱們是在人家來坑前先丟，什麼也丟，自尊自由自我，能丟都丟，否則你夠原本沒有的人鬥嗎。你先丟窮丟爛自己就能跟那本窮恃爛的人磨下去。咁你同佢講娘，佢又真係以為娘，camp佢以為即係基佬啦。所有事情淨係睇到聞到面果層。
年年今日都係傷心架啦，跟住Ｄ人又覺得誇張。明星遮。通常我而家係，哦，是但你啦哈哈哈哈哈哈。你走來勒索我，我都係果句，是但你啦哈哈哈哈哈哈哈。唔通我仲解釋我自己對世界對人既感情既幅度同厚度咩。日常生活徘徊在你覺得對方不是人和你覺得對方沒有當你是一個人之間。唔明？你試下繁忙時間起金鐘搭地鐵。你試下打政府工然後做接投訴果個。去報攤睇下Ｄ報紙雜誌。去到任何鋪頭，最驚你對住我笑。你冇可能中意你份工架下嘛你冇可能開心咁打工架，咁我都係打工，我唔使另一個打工仔對住我笑。好恐怖遮，好憎好唔開心又笑。
今日睇返阿飛正傳，卡卡卡卡卡的笑出來。幾悲涼。因為我諗嗄而家班細路甚至大人識唔識睇呀，一定睇到笑啦，咁娘，同埋扮野。其實人生係冇咁多野好笑架人生去到最厚最後係好娘，成日笑遲早笑到冇左情感的柔韌度，然後話仍有柔韌度的人扮野。
見到蘇麗珍的小食部，丁一聲，想起布宜諾斯艾利斯，很多地方就是這種地方。整個情懷是我從來所向往。
Sandy on 
ML on 
肥你 on 
shiuto on 
No. 1 — April 7th, 2010 at 4:38 pm
買雜誌送 t-shirt，t-shirt 個 print 叫我 BE STUPID – for successful living。著起件衫好開心，覺得 I wear what I think。跟住發生地獄事，有人帶我去咗地獄，仲要半個月去兩鑊。以前寫畢業論文講荒謬，我話 BE VULGAR 就可以活得最自由自我，可恨我已經有返咁上下，回不去由頭嚟過。由地獄返嚟之後，獄卒依然為我的風度目眩。我猜我真是 successful 到不得之了，釣丫。