消失了的社會課健教課
Thursday, 8 April 2010
…it’s clear the workout’s success is, in large part, due to its sheer enjoyability. Ten minutes into the class, and everyone (myself included) is sporting a Cheshire-cat-sized grin. It’s hard not to: the soundtrack (a heady mix of Latin, African and pop beats put together in-house by Zumba Fitness’ own music producer) is disarmingly infectious, and our instructor, Margarete, is practically bursting with enthusiasm. Challenging as some of the routines may be, they are not intimidatingly so.
Zumba: Fitness for Latin lovers, The Independent
－我們總有很多理由去做運動或其他任何事情，但我是簡單直接的－好玩唔好玩先？不為健康不為外型美觀不為時尚不為鍛鍊意志。做完那件事情有沒有鬆了一口氣的感覺，渴望明天太陽還會升起來．．．由凑大一個孩子到想像一個城市，呢呢路路，我猜沒有一份好心情，其實，可以成功到去哪裡呢？人家齋看到你的愁容也不開胃。不過現在我也不是那麼關心成功，哈哈。如果要講大，或者不合時宜或者政治不正確，但其實「莫春者，春服既成，冠者五六人，童子六七人，浴乎沂，風乎舞雩，詠而歸」又夠大唔夠大？夠唔夠憂國憂民？奧巴馬老婆搞Let’s move，叫Ｄ細路起動，件事有好多層次，譬如關懷個人價值，肉體觀感和健康，進而是群體社會國家的政策．．．可以好嚴肅但亦其實只係叫你去用個身體玩下啦唔該。
－很佩服在室內聽著轟炸機式音樂跑步的朋友。他們是為了健康為外型美觀為時尚為鍛鍊意志還是怎樣呢？無論如何，那些音樂難聽到．．．還有無線電視在播放．．．點頂呀。他們一定有一個很強大的目標令他們一直堅持下去－－否則怎樣在那麼迂迴曲折的過程裡找到愉悅和推動力呢。坦白說，大部份城市人，生出來，又點會無端端去做運動丫。傻左咩。
跟新朋友聊天，他問及我玩什麼運動，我RR頭反問，探戈？然後自己傻笑。當然探戈不是真的運動，但那確是我第一個反應。唔去到廿五歲，食屎食著豆遇到有一樣野叫阿根廷探戈，我諗我都唔會識到通過身體運動去獲得快樂。咁阿根廷探戈Ｄ音樂，係音樂來架喎，好聽，好好聽。如果唔係咁好聽，坦白講，我唔肯定我會唔會咁鍾意跳喇。即係我唔可以去齋做運動，因為我本身真係唔係咁好動既人。我好羨慕好動的他們，他們的運動選擇比我多很多，多好多野玩，咁你話做人有咩開心得過咁。
－那一次某跟我說，不明白香港男人，寧願對住其他麻甩佬起度老舉自己起個跑步機跑三個鐘都唔寧願攬住一個女人耐唔耐去跳下舞。我即刻take it personal然後話，下，如果我明香港男人諗乜同要Ｄ乜我就唔係咁既下場啦哥哥。哈哈哈哈哈哈哈。
諗落，係喎，唔明。又唔係小學生，冇理由仲有果種我唔同女／男同學玩既心態架。同埋認識中的香港男人係老正嚴肅而唔係幼稚。係咩呢，好想知。係覺得娘或者係女人野或者因為自己男性朋友唔做所以自己唔做定點呢。定話係根本唔想同個女人有咁多共同點和接口。我成日以為拍拖，裡面應該有Ｄ感情交流既野架，就算係做朋友做屋企人都要有個互相起中間架，唔係淨係一味向外，係有野相向架。所以去K好呀，憑歌寄意丫嘛。煮飯仔又好遮，都係一個exchange programme。傾偈梗好啦，思想感情既互相震蕩。其實partner dance，都係呢科遮。同埋，嗯，係，係好多野都可以一齊做，由街頭行到街尾只要條街夠闊都可以兩個人一齊行，但係有幾多野係一齊向住大家做呢，俗套Ｄ講係二人三足係team building來架喎。呢個dimension係我成日覺得couple跳partner dance很自然便獲得的東西呀。其實香港仍然係好傳統注重家庭關係的社會，點解係呢方面，個觀念好似唔align呢。
Tori