成條命
Wednesday, 5 March 2008
我們在呼吸裡著呆。那刻想起鴉片，抽鴉片，雖然整輩子沒有抽過，卻正是那種從沒體驗過的神魂出竅。還有那首歌沒有唱出。還有什麼不在她的聲音裡面發生。到了記念的時候已經有被出賣的感覺，太快了，完全沒有準備好，完全沒有，突然唱雙棲動物，如這個冬天，忽然冷下來，冷得無從躲避，把藏在最底的冬衣都找出來，可是仍然無從抵抗，無從抵抗舊事，抵抗吹來的風。然後，是跟你借幸福。有想過，與其在現場崩潰，不如，走出去，大哭一場算了。蔡健雅到達了傷心那邊，呼喚我過去，用聲音令人覺得肉體痛楚。我說，我不要，我不要過去。記念是十年前的事吧？一唱，整輩子翻了出來，紅塵滾滾。
蔡健雅的現場演唱是用成條命裡面佢對人既了解同埋再將全份起裡面既了解起你面前逐Ｄ逐Ｄ挖出來。佢係類似，係呀做人呢度又傷心果度又傷心，果時好傷心而家又好傷心，不過全程都唔使講傷心兩個字，哦果Ｄ好傷心果Ｄ人地既故事，其實係佢自己好傷心，但佢當係人地既野咁，攤開，平放出來。
後來有人悻悻然說，我們等了Tanya十年，人家聽了Goodbye and Hello一隻咁大把既唱片就有現場聽。大有妒忌人家得來太易之嫌。Human one life, material one life, good words not easy listening，咁喊住聽記念聽十年，無啦啦隔離Ｄ人當入場唱場Ｋ咁去，那是對年紀不輕的人最大的戲謔，那怎麼可能不令人妒忌呢。我以前隻狗未死，我要返學佢唔使，我都妒忌，哈哈哈哈哈哈。
Sandy on 
ML on 
肥你 on 
shiuto on 
No. 1 — March 5th, 2008 at 9:30 pm
本來, 一個人有聽國語歌品味係好既。什至玩味唐詩宋詞, 都係怡情既。但, 我唔鼓吹咯。後來我develop左一個習慣, 對我非常重要。你知我基本上長期亞健康, 長期小病反覆。於是叫自己, 病都病得開開心心, 唔要病得慘淡。病, 如何開心? 咁我唔知要病几耐丫ma, 所以咪開開心心咁病, 而唔係好pk咁病, 病還病, 玩繼續玩咯, displacement therapy。斷手斷頭同理。
開開心心咁斷手斷頭, 因為, 你都唔知要坐几多碌架? 好鞋口鞋面咁坐咩? 橫掂有排坐, 開開心心咁食x 啦。我諗起我隻狗成日懶醒將d糧埋響d樹底下, 之後又唔記得埋左響邊, 傻架佢。我將近練到喇。人地唔提我, 我係唔覺架。
No. 2 — March 5th, 2008 at 10:40 pm
我同你讀左初中高中中國文學，係真係鍾意中國文學果隻。之前茵為我找來六冊的李義山，一直在看，他常常寫政治，我一點也沒興趣，還是喜歡他寫無厘頭愛情果Ｄ。我同你唔係讀完文科走左去讀會計果Ｄ文科。文學係，或者舞蹈係，你擺個生命落去，好耐好耐之後，佢地俾返個生命你。不過我地成世人咪就錯起呢度囉，真心好鍾意一樣野，仲要擺個生命落去。我同你既失敗，學黃子華話齌，係結構性。個perspective根本就唔係鍾意唔鍾意。
因應你既回覆，我約莫改左篇野，仲叫篇原本無名既野做成條命，哈哈哈哈哈哈哈哈。
No. 3 — March 5th, 2008 at 11:54 pm
荒謬真係比你成條命更永恆。
花邊：你個fan話” i can also appreciate mr.powder now, just because i also meet more guys now”. 歴史評價果然係唔可以太早。呢輪冇人同我講佛偈, 貧尼真係, 真係好貧尼呀。
No. 4 — March 16th, 2008 at 12:15 am
Mr. Powder點解可以輕言佛偈呢，你記得Maslow，他在金字塔頂當然可以講精神生活，佢過住一種完整既小資生活仲可以講世界和平。