Superpoke: hate Monday together!
Monday, 19 May 2008
老闆放下晝，下晝的意思是四點，因為他返九點放九點，半晝不是一點不是兩點，是四點。果晚放兩點，十一點到大家開始精神錯亂。例如重複讀同一段文字，計同一條數四次。心有不甘，無理由，會考讀到半夜第朝考三個小時試，也沒事。半夜一點起公司，打開窗，在想你會否也在加班。有蚊，叮了好多口。塗白花油，老闆問，你係咪唔舒服。我話，冇唔舒服，係有蚊難，又個人唔清醒。往往有一下他像男同學地說：「哎你頭先又唔食飯！」有一晚發夢，世界末日。夢裡面諗，終於都世界末日，都好，唔使返工。意思係，如果世界末日就唔使返工，都好。夢後尾，有人打俾我，話，雖然係世界末日，所有市民都可以等死，不過你打正苦工，都係要返工on duty。心地好差好惡的夢呀。求去的人仍然是有的，不過好像感情生活不愉快的人會白頭到老婚姻不愉快的人會生仔一樣，留下來你可以跌落地拿返咋沙。如果我唔係唔鍾意起度返工，而係根本上我係唔鍾意返工，咁求去，去邊呢。
肥你 on 
Sandy on 
gua on 