至尊寶

果屎睇月光寶盒,睇完真係好震驚。明明諗住睇套賀歲片,點知睇到好心UP。已經唔記得係呢套定仙履奇緣,紫霞仙子有把劍,咁把劍係佢真命天子先開到,跟住有個傻佬,叫至尊寶,啪一聲開左把劍,紫霞呆左,下,呢個木契就係我個The One!?不過女人就是女人,她從此便認定至尊寶。
後來跟J講,我們都要有把劍。不過人地係仙子,我地係凡人,人地係一把,我地要多幾把方便人拉。一把開唔到?唔怕,有第二把。呢把開唔到?有第三把。日日十幾把劍揹起身出街行,揹左咁耐,變成了包袱一部份,變成了記認。見到有D人唔使咁重帶劍,帶個背心膠袋出來行,又得,但人地得唔代表自己得,唔敢有僥倖心理,唯有得閒無事自己拉劍出來,玩下。有時會忘記了,帶著劍上路,不是為了保護自己,而是為了有一日,路上遇上懂得劍的英雄,大家耍劍切磋,從此行走江湖,不亦樂乎。路上遇到太多不同面貌的至尊寶,令你尷尬的,令你笑的,令你哭的,令你又哭又笑的,他們總是至尊寶。至尊寶就是自己的道路真理生命,有本事,你走進他的心,留低一滴涙,一個笑容,一個側面,你清楚我嗎,你懂得我嗎,你有否窺看思想的背面,可是如果冇鞋,就挽屐走。

Leave a Reply

AWSOM Powered