咦
Sunday, 25 January 2009
鏞記賣一孖鵝肝臘腸廿蚊，Ｄ人排隊買，行出街晚飯時間後有阿婆執紙皮。個心好驚，因為覺得個世界好腐敗，包括自己好腐敗。每日的生活，裡面的折騰（流行語）就是個人及集體腐敗的後遺而已。想想你自己犯了什麼罪才去想要不要去求赦免。或者責任就是承擔自己做過或無做過既野呢。唔好以為唔係姦淫擄掠殺人放火就無野先得架。睇八卦節目，果個女人同師傅講，來年想結婚囉。冇男朋友，不過，想結婚囉。我打個突，咦，點解唔係，來年我想好好愛一個人，或者好多人。點解個講法唔係由愛一個人開始，而係突然去左果個結果度呢。跟住，我就同自己講，夠喇，咪痴啦。有Ｄ人話我其實唔係個個人都可以好清楚咁表達到自己，跟住我有Ｄ委屈，覺得，咁大家唔係起度講緊去邊度打邊爐一個新型號手提電話，而係，一個人跟另一個人的婚姻。係咪要比較清晰Ｄ講到自己想要什麼，看法是什麼。我而家好少講呢Ｄ野，正如好多人所講，諗得太多咯。總人有人同你講，生仔啦唔生仔好悶架。生第二個喇，因為悶。有Ｄ人又話因為鍾意ＢＢ所以生囉。咁我個人又古怪啦，心諗，下，狗就養來養去都差唔多大細差唔多樣遮，但ＢＢ會大架下嘛，ＢＢ幾年之嘛，唔會大都大吉利是啦，咁大左喇，你鍾唔鍾意兒童呢？青少年？成年人呢？其實，你鍾唔鍾意，人呢？同埋點解另一個生命可以解決兩個生命之間同佢地自己個人本身沉悶既問題，又係一個謎。呢個世界其實從來都係咁樣運作。所以你睇下而家個世界（唔好我話喇，你話喇嗄）。
Sandy on 
ML on 
肥你 on 
shiuto on 