放開，懷抱
Monday, 8 June 2009
…to embrace the person – embrace who the person is. Really HUG them. With love. Real love. Just completely surrender and give myself, my heart to them, no questions asked. I haven’t always done that… I’ve chased the ghost but sometimes have forgotten to simply love the person in my arms. Truly love them.
Embrace the person, Tina Tango
一開始，我沒有想過要跳close embrace的。
不要笑，是真的。
我覺得，這是個人選擇。
整個思維模式是怎樣運作的呢？我是一個不停運作的思辯系統。
由青春期與母親的權力鬥爭開始，到後來讀哲學，到心底裡其實想扮型，想同其他人唔同，同成個主流鬥﹣這是我，這是我的選擇，為什麼要做你說的樣子，為什麼為什麼為什麼。
於是就算去到Tango我覺得，embrace是open或者close，是個人選擇，這是我，我有我的理由。
很多很多我。多到呢。
要放下很多很多我，去明白，Tango，或者embrace只是，有一個人在你眼前，你其實可以緊緊抱著。
用了很長很長的時間去學識，放輕那個自己，（那個自己不是不好，而只是那是一個人的其中一面吧），以這個簡單直接的方式去接觸別人。
沒有主張。沒有理論。沒有是非。
學識擁抱一個人，讓感情在心裡面進出來去自如。
用了很長很長時間，而到了今天仍然沒有學識。
不過尋日同媽咪飲茶佢話，做人，唔死果日都要學架啦。我阿媽個人係有attitude架。
有一天坐在書房裡看書，聽著Di Sarli。想起前一晚的milonga，忘記了跳過什麼歌，記得的是一個一個擁抱的感覺。
自己眼眶微熱。
明白到擁抱不是一個選擇。如果我想要的，終極想要的是與人的關係，擁抱是我唯一的途徑。
愛是身體的記憶，是觸覺、是嗅覺、味覺、視覺全部的記憶，並不只是「大腦」的記憶。只有大腦的憶的愛是空洞的。
身體的記憶23，148頁《身體美學》蔣勳
瘋狂地把所有Javier y Geraldine的片子看掉。停不了。不明白他們叫我著迷在哪一處。
不，不是那些飛腳。
看了幾個月之後，我終於發現，我著迷的是他們兩個人的embrace。
那根本不是一個跳舞的動作。那是發乎情的自然的友善的表達。
只是他們把兩個人之間的距離拿捏得特別好。
不太遠，又不太逼。
有對方，又有自己。
從容。親密。靈活。
無論做什麼，心也向著對方。
那是一種感覺，與另外一個人一起的感覺。
可是這些叫我詞窮的感覺，於不跳阿根廷探戈的朋友而言，或者我所有有關擁抱或身體的言語或者都是過多的遠不可及的。
有時我想說，其實不是。甚至你跟這些大師上堂，他們可能會叫你忘記你在「做一件事情」，他們要你學的也是一種感覺。
一種可以發生在任何人身上的感覺。探戈其實是把在人身體上普遍的良好的感覺運用出來。
那真是一種很大很大的快樂。
如果能在音樂裡擁抱你，那是我的幸福，否則，我心裡也時時默默祝福你們每一個人都找到你身體與世界相處的方式，與別人連繫的方式。
Gua on 
Rose on 
shiuto on 
No. 1 — June 8th, 2009 at 5:05 pm
milonga 的步感覺上很溫柔很細膩, 但真的難跳得要死…. :P
No. 2 — June 8th, 2009 at 11:00 pm
係呢可，milonga明明係快既，但係佢地跳到好酥好綿，我諗起甜品creme brulee。你狂聽milonga啦，同搏命跳啦，一有就跳，跳到唔記得Ｄ舞步，跳到淨係聽到音樂，乜都唔使諗，就差唔多喇。嘩果下真係爽到呢。
其實如果講embrace貼呢隻好似好Ｄ：
好似金霸王廣告咁呀簡直，一個打風都打唔甩既擁抱呀，做giro做到咁快咁多都完全攬到實一實架，真係服呀。
No. 3 — June 8th, 2009 at 11:16 pm
真係次次睇佢兩個跳舞都好感動, 而家變左絕響真係好可惜. 今年有幸上到javier d 堂, 俾佢d 型仔walking 電死左一半 :P. 遲d 上埋女神d workshop, 就可以完成埋個心願 (電死埋個另一半)
milonga d step 我都係岩岩試跳過一次, 見人跳得多真係好過癮. 前前後後, rebounce + 轉下圈, 真係有”沉迷地跳著舞, 雙腳怎走路, 漸漸不知道” 呢種感覺, 不過d connection 都係好易甩, 跳跳下就要番去現實世界, 好慘~btw, 我連open embrace 都未做得好sacada 同 gyro, 真係望住得個恨字 =P
No. 4 — June 8th, 2009 at 11:40 pm
跳快的慢的都能緊貼著，好厲害呢！
No. 5 — June 9th, 2009 at 1:32 pm
咦女神workshop你上咩呀？
都會好感慨，佢地令我諗起令狐沖任盈盈，定話張無忌趙敏呢，但點都係Hall of Fame。有時就係咁，人生裡面總有遺憾。
milonga真係百份百玩音樂，個人成為音樂本身。男仔係leader，開始係難ｄ，但你諗下果ｄ伯伯，蒲幾十年milonga，係慢慢來既，唔好氣餒呀。我既經驗叫我敢保證起自己身體起tango付出心機努力，回報係會好多倍咁返來。係一定一定值得架。
No. 6 — June 9th, 2009 at 2:54 pm
我報左A1 & A2 渣~B字頭個d 已經超越晒我既程度了…同埋膽粗粗報左個grand milonga, 真係唔跳都要去睇下. 之前javier 個grand milonga 冇報到, 後悔得不得了, 個個去完返黎都話個表演好好睇.
我知道男仔係難, 次次學step 自己都未睇得清楚就要lead 個女仔…但我相信最迷失既時候應該過左, 至少行出去唔會好驚好冇信心先. 當然都係做唔到好多野, 但有時跟住d 音樂黎行下都好開心. 呢排上左Lalia y Leandro 個intermediate workshop, 跟得都辛苦但 d pivot 同turning 都開始掌握到少少. 而家我地自己每個禮拜都有book studio 練架, 遲d 會搬去你地個度練 tim 呀 =)
No. 7 — June 10th, 2009 at 12:27 am
嗯tango係一種感覺，現場同睇片真係好唔同。現場會睇到大師既風度同氣質，而呢Ｄ野其實都值得學。去milonga更加唔使驚啦，係玩加嘛！我次次milonga都好開心架。
Tango係我成世人玩過最好玩最襟玩既野。其實有咩好玩又唔難既野吖。以前起歡樂天地夾公仔我都覺得好難，哈哈。同埋men step既滿足感真係好龐大。學落去，果Ｄ滿足感更加即時更加強烈。Tango成件事係好男人的一回事。所以都係果句，點都唔好氣餒。如果迷失，你隨時搵我啦。
好呀，來練啦，如果要資料隨時email我啦。唔怕搵埋我練啦，我好開心架。