原本諗住寫個dance review點知寫寫下變左寫八婆野俾你

我懷疑如果有一日你結婚我未必會為你那麼高興那麼感動。雖然那個性質是類近的,跳舞和婚姻都是Performing Art。奇怪是有時你見到好多好多人不斷不斷Performing但係冇Art。係,我又來。我淨係同你講野既時候個人把口咁刻薄。今日又星期日聽日又要返工呢。你係要起一個Performing without Art既環境搞Performing Art係咪棧搞。你係咪想令更多香港人認識Tap?多D人跳Tap?咁有型又要俾心機學又低調又小布爾喬亞又要用身體參與既趣味。其實你不如去紐約。近近地去台灣都應該好好多。遲D有西九,果度會有好多場地但係冇觀眾。野!!你個show值$450。我會俾$450去睇呢個show,係我近年睇過真正有娛樂性有趣味性有品味有variety既show。起一個永遠都要stunt都要起哂威也既世界你地堅持內在,堅持唔overdone。你條路難行。不過我唔會叫你做D容易既野。因為果D野,冇滿足感架,D開心好短促架。你同我個人咁貪心果D野滿足唔到你我架。呢個音樂呢個casting呢個rundown,intelligent and passionate。我超中意D野同時間intelligent又passionate。但係現場得一百幾十人。我睇完直頭嬲,車,跳舞,連字都唔識既人都識睇架啦,劇都要識聽對白丫。點解呢。點解咁好咁直接既野咁少人睇。好似你今日既學生同老師,為個show義務做左咁多野。真係前世欠咩。不過而家我同你都唔係好理呢D江湖事,自己安身立命算。我知你揀左咩。你知我揀左咩。到最後你決定將Performing Art變成你Personality。你成個人企起個台度跳舞。星期一返公司仲要打果份工,你係咪好憎對住電腦全日全身癱瘓全日果條友,果條友咪係你自己囉。有人搞Fight Club我同你去左搞Dancing Club。好多野電影裡面有交代。好多野我地跳舞既時候又交代埋。所以唔講咯。我同你講少左好多電話訓少左好多覺。係好事。我地既人生終於有D意思,而且係我地自己努力返來。奇在我又知你做緊乜你又知我做緊乜。我已經開始期待你下個show。下次你有show你俾資料我等我早D介紹埋其他人睇啦。唔好咁低姿態。I am so proud of you.

Leave a Reply

AWSOM Powered