老鼠斑

阿公死左一年諗起阿爺十年lu。
老豆講返阿爺死前最後一次出院前話,出左院要食返條老鼠斑。當然佢好快就賣左咸鴨蛋,冇食過老鼠斑啦。
佢成世,由食唔起到唔捨得食到好似食唔食都冇所謂。
當中好多野變左(環境,心理等),唯一冇變既係佢始終都「冇食過」「佢想食」果條老鼠斑。
結果死前,你覺得佢無厘頭地就係想食條老鼠斑?
x唔起到唔捨得x到好似x唔x都冇所謂,呢個formula,呢個人性故事,起一百年前會發生,到宜家都會發生。
我地普通人,到死,或者最好唔察覺或唔記得左有老鼠斑。
我發夢我阿爺同我食飯,有D黑衣小矮人帶走佢,佢仲同我講要去外國留學。起身我同媽咪講,阿爺去投胎咯喎。
我諗諗,就同自己講,阿爺條老鼠斑要下世先有得食…「下世啦」,廣東人來講,其實係詛咒人既說話。
基本上,呢個formula,呢個人性故事,係一個詛咒。環境他人有份,但自己都係共犯。
要x得起要捨得x要仍然覺得x定唔x係有所謂,當中係要夠能力夠努力(x得起),然後夠心力 (捨得x),要夠耐力韌力 (覺得x定唔x係有所謂)。難?唔緊要,下世囉。

Leave a Reply

AWSOM Powered