早春

年尾,諗起我老豆早輪同我講,你走入茶樓,睇下,放棄自己既人真係好多。
慌你唔死,佢再加一句,九成九既人都放棄自己。
我果下同佢一齊感慨同互勉。
兩父女,放棄左自己既咩同冇放棄D咩,大家都好了解對方,邊D位corner大家邊D位放過大家都係一個conscious and conscientious decision。
我好慶幸有佢呢個朋友。好多人恨有人好鍚自己,其實,鍚,所謂對你好,有幾難丫。起呢個圍威喂仲要沙陳白霍虛偽到爆炸既世界,有個人關心你個人有冇人格就難囉。就好似跳舞,有人要求你有alignment你就買隻燒豬還神啦。
雖然我同我老豆臭檔既時候都唔少。呢D情況,我同佢最驚我阿媽輕描淡寫一句,你地兩個係咪真係有受過高等教育既人士呢。我地兩個發緊咩神經條氣幾唔鋸都即時收皮入房(因為場面搞大左自己落唔到台)自己嬲飽佢(aka自己)。
我地似乎有種幻覺讀過書個人待人接物應該係要唔同,要有D堅持。
唉有時做到有時做唔到啦。
又好似老友J話有D人有教育冇修養。可見係兩回事。盡力而為啦。

2 Responses to “早春”

  1. ML ML writes:

    盡晒食奶力,每日勉強算得上達標,過倒自己果關多過睇自己唔過眼。然後,tense 到身邊無人頂得你順,勁堅持,真正做到「有種幻覺讀過書個人待人接物應該係要唔同」。原來有 D 人唔鬆得,好似俾人落咗降,揼骨都揼唔鬆。

  2. H H writes:

    有d人要學收,有d人要學放。每個人要學既野,不一樣。

Leave a Reply

AWSOM Powered