循環

全香港七百幾萬人,只係吹風出來話起幾千個居屋(萬幾個人受惠?),d人已猛出來講好似會冇飯食冇衫著。
係咪真係有咁大恐慌呢?
咁容易就驚到咁,所謂自由市場,個「自由」去左邊呢?
起碼冇左「免於恐懼的自由」啦?
個市場自由,d人又自由唔自由呀?
點解咁驚呀?
因為從來唔係應得既野,從來係起互相恐懼上面建立既野,梗係郁d就驚啦。
咁果d恐懼去左邊呀?
衰野,梗係過俾人啦。
我以前d投訴人呀,打來呀,好似驅魔人鬼上身咁架。
你話d恐懼去左邊呢?去左你個電話另外一邊果d人度囉1823囉所有熱線囉。
唔使見面丫嘛,咪得把聲囉。
同埋咩叫鬼上身呀?
即係好似係人,但其實冇生命架,唔係人來架,係枉死,冇得投胎,返來為啖氣果d呀。
咁做人係咪冇得揀呀?如果你信冇得揀,你就梗係咩都冇得揀啦。
你信有,先至有機會有得揀啦。
有冇d野咁大隻蛤乸隨街跳,你唔信既野會起個天跌落來咁o岩你掌心朝天就跌你果度呀?
有既話,都係僥倖啦。做人幾時係靠僥倖呀。
咁靠僥倖咪多恐懼囉,僥倖咪就係自己付出同得到唔成正比囉。
成件事係個循環囉。

Leave a Reply

AWSOM Powered