Archives for the Month of December, 2010

老鼠斑

Wednesday, 8 December 2010

阿公死左一年諗起阿爺十年lu。 老豆講返阿爺死前最後一次出院前話，出左院要食返條老鼠斑。當然佢好快就賣左咸鴨蛋，冇食過老鼠斑啦。 佢成世，由食唔起到唔捨得食到好似食唔食都冇所謂。 當中好多野變左（環境，心理等），唯一冇變既係佢始終都「冇食過」「佢想食」果條老鼠斑。 結果死前，你覺得佢無厘頭地就係想食條老鼠斑？ x唔起到唔捨得x到好似x唔x都冇所謂，呢個formula，呢個人性故事，起一百年前會發生，到宜家都會發生。 我地普通人，到死，或者最好唔察覺或唔記得左有老鼠斑。 我發夢我阿爺同我食飯，有Ｄ黑衣小矮人帶走佢，佢仲同我講要去外國留學。起身我同媽咪講，阿爺去投胎咯喎。 我諗諗，就同自己講，阿爺條老鼠斑要下世先有得食…「下世啦」，廣東人來講，其實係詛咒人既說話。 基本上，呢個formula，呢個人性故事，係一個詛咒。環境他人有份，但自己都係共犯。 要x得起要捨得x要仍然覺得x定唔x係有所謂，當中係要夠能力夠努力（x得起），然後夠心力 （捨得x），要夠耐力韌力 （覺得x定唔x係有所謂）。難？唔緊要，下世囉。

Posted in Idea | No Comments »

AWSOM Powered