Archives for the Date January 25th, 2012

宇宙

今晚明珠台播完Discovery既霍金特輯。 其中一集起Discovery已經睇過,再睇都係咁著迷。 果時大家鬧爆既生命樹,我又係睇得津津有味。 果d好似screensaver咁既光、粒子、原子、能量的影像,由宇宙大爆炸去到三百億年之後又被黑洞吸收成一粒野,的確係人類生命既一個角度。 你話今晚冷冰冰聽日要返工,講宇宙大爆炸真係太遠離群眾。 今晚呢一集其中講到既係,我地身體既原子(定係粒子?)係同組成成個宇宙既其他原子一樣。人類消亡,都只係化為原子,回歸宇宙。 當我返工既時候,起心底裡問緊人類文明幾時先可以進化到解放人類既身體同靈魂,譬如唔使痛苦地返工,問緊生命咁短促仲要浪費咁多時間起瑣碎既生活度,呢d時候,我會記住自己都不過係好多粒原子組成既生物,然後起公司的士籠咁細既位叫出來,文書工作有咩意義呢………同事朋友可能覺得我偏激,而我好難由霍金開始解釋自己對人同生命既睇法。 宇宙既磅礡,自然既浩瀚,有時令我倍感當下的不自由,但也往往給我想像的空間,去看開,去平靜下來。

AWSOM Powered